十二年後,再一次親眼看見冰島女皇台上英姿.
記得上次在伊館,唱得一個鐘就收檔,有人說到喉唔到肺,亦有人說呃錢.我說佢果陣只有Debut同Post兩隻碟之經驗,差不多了.早期的Reebok insta Pump同Hussein Chalayan沒有再上身,今次聯同其冰島樂團,一同(Viking定愛斯基摩人傳統服飾?)上身.睇Bjork,除聽她的神音,她的形像,永遠令人津津落道.就算大家唔識佢,也見過早年王菲的菠羅頭嘛?
全企位沒有座位,照近兩隻Medulla同Volta的大碟風格,全企位會否無得"跳"?昨夜她連Homogenic,Post這兩隻巔峰作也玩番,之前我沒有想到.當一聽到Hunter,開始來料,十二年前伊館一役,記得是Army of me打頭陣.當Bjork再次演繹這首Post專輯的舊作,小弟自然同身邊的Ex,回到昔日的十九二十時...Hyper Ballad,近乎萬人大合唱.企在我後面的芝See菇Bee,去到呢首,非常賣力,一字不漏地和唱.上隻Medulla的神音"pleasureis all mine",用喇叭聲代替人聲昨Background,比CD version更加宏偉.
Encore兩味,先唱回四年前雅典奧運演唱過的Oceania,同Volta大碟的Declare Independence作完場.整體說,絕無冷場,Bjork說話不多,沒有香港那些歌手口水多過茶.全程只將Hello Hong Kong,Thank you Hong Kong,同"橙"!
十二年前,十二年後,人面依舊,但不再19,20.大家已成中男中女,企足兩小時,疲態畢露.如果時空交錯,昨夜為1996年2月13日,就好了.
小弟沒有宏圖大志,年來親眼睇過Oasis,Franz Ferdinand,Sigur Ros,Manic street preachers,Bjork等my favourite,此生不枉.係差Smashing Pumpkins,同Radiohead而已.
