電影節下半場

四月頭的...

1)爛公主 - 你話佢係無人駕駛?又唔係,靚妹仔,都唔係.德國邊緣少年作題材,暴風少女臨入冊的最後一夜,衰野做到盡.入冊果日突然做逃兵,走上不歸路...

劇力不夠,略嫌散.係女主角幾省鏡.片中不斷傳出煙花聲響,刻意營做出緊張氣氛,可惜,緊張不足.

2)愛情回水 - 英國小品式超現實愛情喜劇,男主角失戀後失眠,每日多了三份一人生,賣給Sailsbury,s超市做通宵理貨員,期間笑料百出.其兩位"絕世孖寶"同事,更加爛Gag頻頻.

如果香港有間廿四小時的惠康有咁過癮的話,我真係唔怕去賣8小時比佢.

3)鋼琴譜的人 - 好一個"公主復仇記".殺人可無形,完全不動聲色,事後都唔知咩事.

甜美外表之下,其實機關算盡,叫少主彈琴快一點,結果搞到隻手痛,女主人臨表演時失場,陣腳大亂.最後女主人給她的情書,故意放在其丈夫的書桌上....

女主角為上年"半熟爸爸"的少女.

4)Fxxk - 用多個角度去將這個英文粗口重新註釋,有點兒將其粗口合理化.

Fxxk off無意義,講左多年也不知.

5)愛君如豬 - 明知大限將止,怎樣才能在剩下的活得精彩,才是主要之重點.

生離死別,有時不是太悲傷,反而心存感激,彼此互想帶來美好的日子.

6)巴黎情事 - 一對巴黎兄弟各有各苦惱,大佬的無助,細佬的快樂,其實兩者,都係差不多.其中男主角,就是"The Dreamer"其中之一位男主角,會在戲內,同螢幕下的觀眾對話.

劇情拖泥帶水,拖到結局有點"草率",定係曲高和寡,係都要留給觀眾一點思考空間?

7)無主孤軍 - 很"重"的一套戲,逼真地重演89年羅馬尼亞,壽西斯古下台的一夜.一時之間,敵我難分,自己人打自己人.

如果遲入場,係唔會知道結局係咩.

埋單結算11套,時間有限,睇得唔算多."問鼎奧斯卡"同"布加勒斯特以東午後8分"買左飛無到.可惜.

God save the Queen...

接上文的新舊對照

廿年過後,又如何?

1)玉郎漫畫在黃玉郎離開玉郎之前已經失色,劉定堅自立門戶"自由人",撬走眾多核心成員.結果兩年過後,黃玉朗淪為階下囚.出獄之後重出江湖,建立玉皇朝,頭炮"天子傳奇"成績不錯,到今天仍是本地漫畫大集團之一.可是已沒有昔日玉郎的風采.
2)如果唔係85年希素單野,愛華頓亦未必在九十年代沉淪.英格蘭球會禁賽歐州賽數年,元氣大傷.九十年代,愛華頓大多時間在護級線掙扎,係近兩三年才好一點,截到今天,暫時在英超排第七.仍有望"勾"到個歐協位.

3)高雲地利贏FA Cup之後兩年,第三圈竟輸比非聯賽球會Sutton United.其後的日子仍然做其英超下游份子,直到2000/2001年,終降落去今日的英冠.現今在英冠排中下游.

4)和叔尚在,一招"底線傳底"令眾球迷津津樂道,山度士長年受傷患困擾,在2003年退休.

5)廿年過後,憶蓮由一個日本妹,變成一個很charming的Diva.已經差不多上到去殿堂級,偶然聽回其舊歌"愛情I Don,t know","放蹤",不禁失笑.
6)今時今日,仍然是Beyond迷,多隻大碟之中,最愛"繼續革命","真的見証","Sound".成員五變四,四變三,到今日的暫別.令人唏噓.Raidas出了"Raidas 87"之後便解散,昔日拍檔林夕老早成為"夕爺".達明1990年解散,分別在1996同2006年復合過,巧名立目地掠水.黃耀明已成為"明哥",劉以達繼續做諧角.太極其後也出過幾首好作品.改自Bon Jovi作品的"一切為何",成績竟比以往的作品好.有點吹漲.

其後的日子,也聽回當年未聽過的小島,凡風,赤道,等等...

7)亞州皇后後知後覺,都係無林詠嫻咁靚,飛碟頭四張幾,仍然keep得好好.又如果豆豆當年唔退選,賽果會係點?今時今日港姐已經無人睇.葉翠翠呢種級數都囉得冠軍,天大的笑話.

8)十年一劫.數數下..............咦?
9)不知不覺走了四年,雖然倫伯同哥哥鬥得最恆果陣,我成日叫佢"基佬榮",可是,我也喜歡聽佢的作品.自相矛盾.

10)公園仍在,波檯仍在,人面全非,球拍不見了.

11)偶然也有玩回紅白機的games,當然係用模擬器啦.
12)首Maggie,係咪作比張曼玉?

13)三套精裝追女仔DVD有齊,今時今日睇番都仲好正.你話我Cheap都係咁話.收縮水一段,更是永恆.
14)五張都黎緊的紅姑,依舊明艷照人.
15)星爺唔使講,其拍檔龍炳基今日在Roadshow教人煮送.430變成閃電傳真機,開始少睇,等如開始大個仔.
16)好像幾年前在Fatboy Slim個concert見番佢.樣貌無大變化,不過已經形同陌路了.
17)中五成績直頭唔見得人,十幾年來打工生涯原是夢.
18)歡樂今宵無左,盧海鵬過左去亞洲拍埋些"大城小故事"這等倫理垃圾.

19)而家仲有無人玩氣槍呢?
20)幾十件波衫,不以為然.每季轉款,例必死跟.

我是八十年代

八十年代咁多年之中,最深刻的是1987.當中在這年發生的事情,很多也記憶猶新.

1)玉郎漫畫 100期,特大號,陳百強作封面

2)愛華頓奪取當年英甲聯賽冠軍

3)高雲地利爆大冷,在FA Cup贏當年有荷度,佳夫亞倫的熱刺.

4)全華班下的香港甲組聯賽,無論入座率同吸引力也大插水,幸好,這個年頭,出了一個李健和,一個山度士.

5)林憶蓮的"灰色"封面,印像很"飛女","灰色,Ha Ha Ha.."成為當年好多"飛女"的口頭禪.

6)香港樂壇的樂隊風潮爆發,Raidas,Beyond,達明,太極,細細個已經聽過.87年盛夏光年,石頭記陪了我一個暑假.第一次聽Beyond的"阿拉伯跳舞女郎",:(咩黎架?)除此之外,郭小霖隻愛情蝙福俠,又係聽了一個夏天.

7)87年度港姐,為史上最高質素的一屆,連友誼小姐張鳳妮也在海外選美拿獎.可想而知.

8)十月股災,同我無關

9)哥哥轉會新藝寶,死lur屋企人買"Summer Romance"盒帶.

10)經常在花墟道的公園,打Ping Pong,留波留板留底褲,誠為當年之口頭禪.

11)第一次接觸任天堂,世嘉.一隻孖寶兄弟,廢寢忘餐,同年聖誕,家下用$800銀,買下紅白機作小弟之聖誕禮物,至今心中仍有愧.

12)倫伯的"Maggie",又係啷啷上口.

13)精裝追女仔,今日已成為classic,仲有秋天的童話,一句Fxxk You,廿年後仍比人翻查舊帳.

14)一代女神鍾楚虹,其電影"意亂情迷"內的一件頭,也曾傾到眾生,那期Playboy,好恨要.

15)430穿梭機沒有了星爺,沒有黑白殭屍,很無奈.

16)第一次寫情信比女同學,比Miss公開責罵,瘀到爆.

17)小五成績大插水,原因不明.

18)歡樂今宵個"勁歌金曲",盧海鵬扮明哥,印象最深.

19)忽然興起玩氣槍,上山實比飛仔撩.

20)擁有第一件Umbro波衫,乜都無.已經好開心.

待續....

下一Part - 新舊對照.

斜路上的Brunch club

日前與友人在此下午茶,第一感覺是很懶洋洋,播著Down tempo音樂,坐在梳化上翻著雜誌,好不寫意.

大多人推崇的Bendict蛋一點性趣也沒有,要個煙三文魚菴列,煎得夠火喉.最怕吃著些過熟的菴列,再加杯果香濃郁的"沙當尼"白酒.這個下午,忽然很美好.

同場都幾多靚女光顧,如果獨身前往,話唔定有收鑊也不定.哈哈.

Name:Brunch Club

Address:中環卑利街70號地下

,

明日世界終結時 -大排檔(1)

愛排檔多過上高級餐廳,無拒無束,隊酒爆粗,樣樣齊.

石硤尾耀東街強記,幾十年如一,中學年代吃到家下.蘇記仍是這樣,對面強記已經越做越大,夕陽下之反高潮.

日前友人吹雞在此,再次重臨,可是水準比上次下跌,不知何故.希望是偶然.

睇多一點?看這處:http://www.openrice.com/big5/commentdetail.htm?commentid=150464

由"性工作者十日談"的結尾

引伸到去小弟,拿回劉美君的Debut同名大碟.在CD盤上日播夜播.(這隻DSD也是後來才追加.之前的Cassette已不翼而飛.)

小時候思想簡單,沒有看得那麼透徹,只覺得Prudence形像比當時的女歌手前衛,沒有梅姐的霸氣,感覺更像街頭的死飛女,封面上牛仔褲頭不扣鈕,已成為當年一時之話題."在今日廿一世紀的眼光中,這條牛仔褲太高腰了,老土得可以,如果在今天,那條應該是Miss Sixty或者是Diesel了."

這張同名大碟,平地驚一聲雷,一出就輕易拿下數白金之銷量.在當年可話帶來極大震憾.來替性工作者出口氣的"午夜情",那個年頭唱街知巷問,細細個已經"JAY 一張醉臉傻痴痴"瑯瑯上口.比"性工作者十日談"內,為 性工作者捍衛權益的吳日言更加理直氣壯.提及一夜情的"最後一夜",是昔日全碟最愛之作品.一個小五學生不懂甚麼叫最後一夜,聽到什麼"以後未來是個謎 不必牽強說盟誓 難料那夜再一齊 LET ME TOUCH YOU ONE MORE NIGHT.."真係不明所以,要到成長之後才知道是什麼.總之,小學生標準,好聽便是,純憑直覺.沒有甚麼意識不良.輕快旋律如亞熱帶少年,應該更合小學生的口味.其他如"清晨",少少慘情,聽落又幾舒服.似係一碗涼茶.

前無古人,多年來亦沒有什麼如老翻xxx,xxx接班人.單是其十八歲結婚,帶住幾歲大兒子進軍樂壇,這個History,斷估無人能學得到.下次有機會,再另談其他Prudence的大碟.

電影節上半場

今年電影節上半部,暫時完成四套,姑且暫時作一作小結:

1)亡命英倫

上映前很多影迷也抱著好大期望,主線兩個女主角因殺害戀童癖的黑幫大佬,而展開其由London逃亡到Brighton之旅程.幾度倒敘法交待得不錯,選角全部用非職業演員,女子組就表現出色,但是眾男主/配角都唔知做乜.

只是用一個頂級球星的周薪價作成本.拍得如此粗糙亦正常不過,真係不能太苛求了.看簡介說上年全英最佳電影,都唔使吹得咁勁卦?

2)Love Sick (痛愛)

羅馬尼亞下的女同/不倫之戀,沒有任何過激之鏡頭,兩者/三者之關係,也是輕輕帶過.連套戲也是輕量級,睇罷也沒有一些印像.要講的是,其中一個女主角幾標致,羅馬尼亞亦沒有想像般中殘破.

3)The Hostage (仝人質)

一場劫機,由一粒子彈去引伸波羅的海小國拉脫維亞的眾生相.看不多風光如畫的里加,看得到電影鏡頭下的荒唐,亦帶出小國的溫情.

4)性工作者十日談

本地Cult導邱禮濤之新作,沒有過火,沒有甚麼過激鏡頭,(最出都應該算係奀皮四同鄧健泓親熱的一幕.)只是實事求事,將性生活工作者的十天生活展現在大家眼前,全場九十分鐘,九分鐘一天,時間不足,有點力有不逮,到喉唔到肺.一眾青春"偶像"派,反而令人驚喜.董敏莉的毒雞,入型入格.其他大茄角色亦好像是度身訂做,如蔣志光的鴨場經理,張錦程不苟且笑的醫生等等..

夕陽西下,夜總會已經式微,一眾小姐最後一夜之後,未來前路,仍是漆黑一片...

下半場還有幾套,月中再同大家分享.

新場

MSN space個blog太慢了,上到意興欄珊.睇睇這個blogger又如何?