The season is over!

英超完了,所有冠軍,歐聯,歐協,降班已成定局,現正post回小弟在舊blog內,季初的預測.

原來都中了大半,愛華頓真係望到上六.

Title:英超開波

已經進行第二周,話咁快得番一隊曼聯全勝,第一場對富鹹,踢到水銀瀉地,異常流暢.留番WTF,放走雲佬,效果竟然更好.

車老鼠繼續比米堡剋死,臨天光瀨尿,利物浦在刀片身上囉番一分,算執身彩.阿仙奴等左幾十年,新球場第一球,竟落入維拉手上,似乎唔會係一個好兆頭.

新升班三隊,除左Elton John隊黃蜂應該會做升降機之外,Reading同刀片應該有力留在Top flight.其他榜末兩個位,應該係富鹹,或者係....查爾頓.並不覺得竇唯(Ian Dowie)係一個有英超卡士的領隊.其他球會,Pompey上季中俄國佬入主之後,今季應該做到野,有蘇金保同簡奴兩個一前一後,實力已比之前加強,但係死都唔信占士.

布力般無左比拿美,用Jason Robert拍"Fox in the box"Francis Jeffers,呢pair組合,唔掂wor.米堡無左麥卡倫,夾硬升修夫基上去,保持觀望.西鹹繼續做黑馬,人球卡頓高爾加壞孩子保耶,"破壞力"已更強,死未?希望唔好無幫櫬.紐卡素無左舒利亞,艾你老味得唔得就唔知,第一場就有貨賣.

咁....我隊拖肥糖呢?兩輪之後一勝一和,8M的AJ,真係加強左前線的實力,把握力強左,同埋佢當年在水晶晶其中一個必殺技,就係博十二碼.新球員除左佢,仲有4.5M在狼隊買來的Lescott.呢個未有評價住.曼聯借回來的侯活,應比李察胡禮更可信.

如果full team無傷無病,侯活打得番歐聯輸比波圖前的水準,菲臘仔打防中唔打閘.卡希爾同阿迪達繼續進步,雲達美迪重拾狀態.比亞提打番三季前在修頓一季入廿幾球個form的話,頭七望六吧.

閒談兩隻碟

有點過期,Kaiser Chiefs "Yours Truly,Angry Mob"

每隊Debut大碟叫好叫座之後,第二隻碟總會有點"珠玉在前"之恐懼証.KC自上隻Employment大賣後,兩年後的"Yours Truly, Angry Mob".似乎沒有之前如Saturday Night的輕狂,Everyday I Love you Less and Less的佻皮,反而整體上紮實,成熟.Boxing Champ短短分幾鐘,聽落又幾Beatles的Let it be式抒情.

Milburn "Well Well Well"

有人說其是Arctic Monkeys的師弟(同樣是來自Sheffield這個工業城)事實上,Milburn出道比Arctic Monkeys更早.沒有Arctic Monkeys的輕狂爆炸.Milburn的作品旋律爽快,很有節奏感,Guitar Solo亦清脆利落.話須如此,當中亦有些作品同"北極馬瘤"雷同.Stockholm Syndrome就同AM的Fake Tales of San Francisco非常相似.Arctic Monkeys上年大熱,另一同鄉Little Man Tate亦來意不善,連同Milburn,這隊"錫菲聯",實在不能睇少.

解剖iPOD

"No music,no life",對我黎講,就絕對係.音樂妨如你身邊的,其中一名"好知己".

屋企CD八百多隻,部60G iPOD已經有過萬首中外歌曲,加埋幾十條片,幾十張相片,60G比我打爆,都係早晚之事情.

過萬首曲目當中,外國佔大約六成幾,中文就分埋其餘的容量.如果以單一樂手,數量最多的,是Beyond,所有作品已佔差不多3G.早期地下年代,細碟single,remix等,一樣有.連Demo都有.其餘中文樂手,之後到譚校長,畢竟係我小學年代之最愛男歌星.其他的,Oldie野多.新歌?差不多無.而家Canto pop,近乎垃圾,為左呢類sxxxty去擔驚受怕Download,真係唔值.我Harddisk唔係馬桶,當然唔係用黎裝屎的.最近期的話,如果唔計local indie,主流派系近年只買三隻,憶蓮,達明,同林狗.

其他中文歌,Pop野大多係80年代,到九十年代頭.始終係果段時間,聽得最多,四大天王小旋風,一出碟即買,寧濫莫缺.今時今日,我iPOD內,依然有"我的親愛""第四晚心情""今年夏天""愛不完"的作品,偶爾聽番,又勾起一些回憶.80,S樂隊風潮下的樂隊作品,大多都有,如Radias,Fundamental,凡風,太極等,一一齊全.再其他呢?當年三四線歌手的作品,一樣有.兒歌亦有好多,尹光亦大把.聽緊跳飛機,loop左去打飛機.都幾過癮.

外語系仲多完化,除小弟最愛之Brit pop,Post Punk外,仲有Metal,Jazz,Electronica內分派的Trip Hop,Chill out,Ambient,Drum "N" Bass,House etc....古巴Sasha,etc.....好多好多,唯獨死都唔聽R&B同Hip Hop,呢d好野,留比眾 ABC或者懶潮人去聽吧.Beyonce同Jay-Z,絕不會在我部機出現.

有口痕友話,一部iPOD也能睇得出用家的個性,照咁睇,我應有點精神分裂吧.用Random play,聽罷Joy Division,下一首到葉振棠.......

球迷經常支出

地理的差異,做不到季票持有人,但波衫少不了.波衫年年轉款,明知款式差不多,仍然心甘情願"科水".

今季主客球衣剛到手,下季新衫又已推出.英國要月尾才推出,我們反而趕及在最後一場主場穿上.

質料比今季的飄逸.七分尼龍三分綿.款式以今年英格蘭國家隊為藍本,會章同過去幾季的不同,今次個章是縫上去.其他的,大同小異.

下季英超字,同英超章又轉,睇下到時會印上那個球員名字?

再一次遊歐洲.

昨夜愛華頓主場贏茅廁三蛋之後,下季歐協資格,十拿九穩.

(除非最後一場作客車路士輸夠六球,而雷丁又狂勝對方六球.)

截至昨夜,尚剩下一場作客車路士.暫時排第五,這個成績,收貨有餘.單是得失球正16,是今季一大改進.主場贏Red Shit三蛋,補時贏阿仙奴,作客贏熱刺,屬今季得意之作.

希望到最後仍保持這個名次.