The season is over!

英超完了,所有冠軍,歐聯,歐協,降班已成定局,現正post回小弟在舊blog內,季初的預測.

原來都中了大半,愛華頓真係望到上六.

Title:英超開波

已經進行第二周,話咁快得番一隊曼聯全勝,第一場對富鹹,踢到水銀瀉地,異常流暢.留番WTF,放走雲佬,效果竟然更好.

車老鼠繼續比米堡剋死,臨天光瀨尿,利物浦在刀片身上囉番一分,算執身彩.阿仙奴等左幾十年,新球場第一球,竟落入維拉手上,似乎唔會係一個好兆頭.

新升班三隊,除左Elton John隊黃蜂應該會做升降機之外,Reading同刀片應該有力留在Top flight.其他榜末兩個位,應該係富鹹,或者係....查爾頓.並不覺得竇唯(Ian Dowie)係一個有英超卡士的領隊.其他球會,Pompey上季中俄國佬入主之後,今季應該做到野,有蘇金保同簡奴兩個一前一後,實力已比之前加強,但係死都唔信占士.

布力般無左比拿美,用Jason Robert拍"Fox in the box"Francis Jeffers,呢pair組合,唔掂wor.米堡無左麥卡倫,夾硬升修夫基上去,保持觀望.西鹹繼續做黑馬,人球卡頓高爾加壞孩子保耶,"破壞力"已更強,死未?希望唔好無幫櫬.紐卡素無左舒利亞,艾你老味得唔得就唔知,第一場就有貨賣.

咁....我隊拖肥糖呢?兩輪之後一勝一和,8M的AJ,真係加強左前線的實力,把握力強左,同埋佢當年在水晶晶其中一個必殺技,就係博十二碼.新球員除左佢,仲有4.5M在狼隊買來的Lescott.呢個未有評價住.曼聯借回來的侯活,應比李察胡禮更可信.

如果full team無傷無病,侯活打得番歐聯輸比波圖前的水準,菲臘仔打防中唔打閘.卡希爾同阿迪達繼續進步,雲達美迪重拾狀態.比亞提打番三季前在修頓一季入廿幾球個form的話,頭七望六吧.